Iruñeko euskalgintza (Garikoitz Torregrosa):

Arratsalde on eta eskerrik asko egin dizuegun deialdira etortzeagatik. Gaur San Frantzisko eskolako atarira deitu zaiuztegu, esku artean dugun dinamikari hemen eta orain ekingo baitiogu. Elkarrekin lanean ari gara Alde Zaharreko bizilagunak, Iruñeko Euskalgintza, ELA, LAB, STEILAS eta Sasoia.

Iruñean urteak daramatzagu haur eskolak euskaraz nahi eta behar ditugula aldarrikatzen. Urtetako lanari esker eta jende andanaren bultzadari esker, ikasturte honetan Iruñeko Udalak 2 eskolatara zabaldu du euskarazko eskaintza, Donibanera eta Arrosadiara. Iruindarrei euren txikiak elebidunak izateko aukera eskaini eta hizkuntza bazterkeriari amaiera ematen hasteko urrats txalogarria eman zuen Udalak. Baina lehen urrats gisa ulertzen dugu, hizkuntza-eskubideen urraketak badirauelako eta Nafarrokoa den hizkuntza propioa jakitea ukatzea, herritarrei etorkizunean lan eta harreman aukerak ukatzea delako. Alegia, injustiziak badirau. Instituzioek ezin dute gizarte desberdintasun hori elikatu. Norbaitek ulertuko luke instituzioek herritar batzuei euren haurrek matematika jakiteko aukera ematea eta besteei hori ukatzea? Bada, hori gertatzen da euskara jakiteko aukera herritarrei ukatzen zaienean. Gizarte desberdintasunean sakontzen da. Lan handia dugu aurretik, beraz, auzo guztietan euskaraz ikasteko aukera lortzeko, eleanitza izateko aukera lortzeko eta ondorioz, etorkizunean aukera berdintasuna izatera iristeko.

Bide horretan urratsak ematen jarraitzea ezinbestekoa da. Eta gaur Alde Zaharrean gaude, Alde Zaharreko auzotarrek hemen haur eskola euskaraz nahi dutelako. Bide horretan euskararen herri mugimenduaren , sindikatuen eta bestelako eragileen laguntza izanen dute. Besterik gabe, Alde Zaharreko auzotarrek hemengo egoeraren berri emanen dizuete.

Alde Zaharra (Joseba Beramendi):

Auzoan aspaldiko aldarrikapena izan da haur eskola euskaldunarena. Dakizuen bezala, hemengo haur eskola Nafarroako Gobernuaren eskumenekoa da, Iruñean dauden beste 4 haur eskolekin batera. Eta azpimarratu nahiko genuke, Gobernuak dituen 5 haur eskola horietako bakar batean ere ez duela euskarazko eskaintzarik egiten. Benetan larria eta salagarria iruditzen zaigu honakoa, Gobernu aldaketa egon denetik ez baita alor honetan aldaketarik eman. Alegia, UPNk eskaintzen zuen berdinarekin jarraitzen du Nafarroako Gobernu berriak.

2011an hasi ginen mobilizazioekin eta "Alde Zaharrean haur eskola euskaraz" plataforma sortu genuen. Gogoan izanen dituzue eman genuen hainbat urrats: gurasoen eskaera bilketa, sinadura bilketa, silleta kalejira, agerraldiak parlamentuan, harremanak alderdiekin... Eta UPNren erantzuna itxikeria eta beste alde batera begiratzea izan zen. Alde Zaharrean haur eskola euskaraz nahi eta behar dugula bistakoa da. San Frantzisko eskolako D ereduko matrikulazio datuek ozen hitz egiten dute. Zeren zain dago Nafarroako Gobernua aldaketa emateko? Martxoan Parlamentuko Hezkuntza Batzordean gai hau landu genuen eta interpelazio zuzena egin genien alderdiei gure auzoan haur eskola euskaraz izan dadin. Arartekoarekin ere izan ginen ekainean eta beste zenbait urrats ere eman dugu, baina gaur gaurkoz ez dugu aldaketarik ikusten. Ez gaude prest injustizia honekin jarraitzeko eta mobilizazioei ekingo diogu gaurtik hasita.

Sasoia (Blanca Unzu):

Honakoa da egunotan aurrera eramango duguna:

- Sinadura bilketa

     Azaroak 21 eta 24an, 17:00etan San Frantzisko eskolan

     Azaroak 29, San Saturnino egunean 11:30etik 13:30era Mercaderesen

     Egoitza hauetan modu iraunkorrean ematen ahalko da sinadura: Campion euskaltegia (Comedias kalea), Iruñezar
euskaltegia (Errekoletak) eta Karrikiri euskal denda (Xabier karrika)

    

- Erakundeen atxikimendu bilketa:

     Eragileekin harremanetan ari gara atxikimenduak biltzeko. Internet bidez ere egin daiteke,  emanbidea.blogspot.com.es helbidean

- Merkatari eta ostalarien atxikimendu bilketa eta euskarrien banaketa:

     Azaroaren 17tik 24ra boluntarioek bisitak eginen dituzte atxikimendua eskatuz eta beraien lokaletan aldarrikapenaren irudia den euskarria banatuz.

- ABENDUAK 13, JENDEKATEA

     Abenduak 13, asteartea 17:00etan Ntra Sra de Los Ángeles haur eskolatik
(Descalzos kalea) Parlamentura jende katea eginen dugu kanpainan zehar jasotako sinadurak eta atxikimenduak Parlamentura eramateko.
Elektrotatxungak irekiko digu bidea.

Herritarrak ekimenean parte hartzera eta aldaketan eragile izatera animatzen ditugu. Animo, erronka ederra dugu eta esku artean!!

AURTEN BAI, HAUR ESKOLA EUSKARAZ

Kaixo lagun! Alde Zaharrean haur eskola euskaraz nahi dugu. Eskaera ez zaizu berria  eginen, urteak ditugu eta hori bera eskatzen. Iaz Donibanera eta Arrosadiara  hedatu zuen euskarazko eskaintza Iruñeko Udalak. Urrats txalogarria, urtetan jasan dugun injustiziari konponbidea ematen hasteko neurria izan delako.  Halere, bidea dugu oraindik egiteko, eta gure auzoan, Alde Zaharrean ere haur eskola euskaraz nahi dugu! Nafarroako Gobernuaren eskumenekoa da  gure auzokoa, Iruñeko beste 4 haur eskolekin batera. Eta Gobernuak 5  horietatik BAKAR BATEAN ERE EZ du euskarazko eskaintzarik egiten. Horrexegatik bultza egiteko garaia da, lagun. Zenbait ekimen prestatu  ditugu Alde Zaharreko bizilagunok Iruñeko Euskalgintzarekin, ELA, LAB  eta ESTEILAS sindikatuekin eta Sasoiarekin batera. Izan zaitez zu ere  aldaketaren bultzatzaile!! - Sinadura bilketa, sina ezazu!      Azaroak 21 eta 24an, 17:00etan San Frantzisko eskolan      Azaroak 29 11:30etik 13:30era Mercaderesen      Egoitza hauetan: Campion euskaltegia (Comedias kalea), Iruñezar  euskaltegia (Errekoletak) eta Karrikiri euskal denda (Xabier karrika)      - Erakundeen atxikimendu bilketa:      Internet bidez: emanbidea.blogspot.com - Merkatari eta ostalarien atxikimendu bilketa eta euskarrien banaketa:      Azaroaren 17tik 24ra boluntarioek bisitak eginen dituzte - ABENDUAK 13, JENDEKATEA      Abenduak 13, asteartea 17:00etan Ntra Sra de Los Ángeles haur eskolatik  (Descalzos kalea) Parlamentura jende katea eginen dugu sinadurak eramateko.  Elektrotatxungak irekiko digu bidea. Zurekin batera Alde Zaharrean haur eskola euskaraz lortuko dugu.  Sinatu eta zatoz!!

Pertsona-katea

NAFARROAKO GOBERNUAREN HAUR ESKOLETAN LAN EGITEKO EUSKARAK EZ DU PIPERRIK BALIO !

Nafarroako Gobernuak, urtarrilaren 19an argitaratu zuen ebazpen baten bidez, Gobernuaren Haur Eskoletan lan egiteko lan-eskaintza publikoa egin zuen.  Deialdia atera berri da eta horretan agertzen den arabera [euskaraz ez dute argitaratu, baina], aurkezten denei eskatzen dieten baldintzen artean, euskara ez da agertzen, ez betebehar ezta meritu bezala ere.
Deialdi honen bidez, 5 urtetarako iraupena izanen duen langileen zerrenda osatuko da, eskola horietan behin-behineko lana egiteko.
Gure auzoan aspalditik aldarrikatzen ari gara, auzoan euskarazko zerbitzua eskaintzen den Haur Eskola batera haurrak eramateko eskubidea izan behar dugula. Alde Zaharreko guraso askok (ditugun datuen arabera, gehienek) gure haurrak euskara ikastea nahi dugu. Eta Alde Zaharrean dagoen Haur Eskolak aukera eskubide hori bermatu beharko digula.

Hain zuzen ere, Alde Zaharrean dugun Haur Eskola bakarra, Nafarroako Gobernuarena da, berea da horren eskumena. Eta deialdi horren baldintzak ikusirik, argi da Nafarroako Gobernuak ez duela inongo borondaterik, bere Haur Eskoletan, euskarazko zerbitzua nahi dugu herritarroi gure eskubidea bermatzeko.
Deialdi honen zerrendarekin, heldu den 5 urteetarako langileak hautatuko direla kontuan harturik, erabaki honek Alde Zaharreko haurren etorkizuna baldintzatzen du. Izan ere, Alde Zaharreko Haur Eskola euskarazko zerbitzua ematea eskatzen dugunean, "langile euskaldunik" ez dutela aitzakiatzat jarriko du gure eskaerari uko egiteko. Baina hau, horrela gertatzen bada, langile euskaldunik ez kontratatzea kontzienteki hala erabaki dutelako.
Horretxegatik guztiagatik deialdi honen baldintzak salatu nahi ditugu, berriro ere Alde Zaharreko Haur Eskolak euskarazko zerbitzua eskaini dezala aldarrikatuz.

PARA TRABAJAR EN LAS ESCUELAS INFANTILES DEL GOBIERNO DE NAVARRA EL EUSKARA NO CUENTA

El Gobierno de Navarra, a través de una resolución publicada el 19 de enero, realizo una oferta pública de empleo, para trabajar en las Escuelas Infantiles del Gobierno de Navarra. La convocatoria acaba de salir y según aparece en ella, entre las condiciones impuestas a las personas aspirantes, el euskara no aparece ni como requisito ni siquiera como merito.
A través de ésta convocatoria se va a completar una lista, con 5 años de vigencia, para la contratación temporal de personas trabajadoras en estas escuelas.
En nuestro barrio llevamos años reivindicando, que tenemos derecho a llevar a nuestras hijas/os a una Escuela Infantil en el barrio, que nos ofrezca su servicio en euskara. Muchas madres y padres del Casco Viejo (por los datos recabados, seguramente la mayoría) queremos que nuestras hijas e hijos aprendan euskara. Y la Escuela Infantil que hay en el Casco Viejo, tendría que garantizarnos ese derecho.
La única Escuela Infantil que tenemos en el Casco Viejo es de titularidad del Gobierno de Navarra. Y viendo las condiciones de esta convocatoria, está claro que este Gobierno de Navarra no tiene ninguna voluntad de garantizar en sus Escuelas Infantiles el derecho de los y las ciudadanas que queremos ese servicio en euskara.La lista conformada en esta convocatoria y teniendo en cuenta que en ella se elegiran las trabajadoras para los próximos años, ello es algo que va a condicionar el futuro de las niñas y niños del Casco Viejo. Así, frente a nuestra solicitud de que la Escuela Infantil del Casco Viejo ofrezca servicios en euskara, el Gobierno de Navarra seguramente utilice como excusa para su negativa el hecho de que "no tiene "trabajadoras que hablen euskara". Pero de así ser, lo será porque conscientemente no ha previsto contratar trabajadoras con capacitación de euskara.
Por todo ello, queremos denunciar las condiciones de esta convocatoria y, una vez más, reivindicar que la Escuela Infantil del Casco Viejo ofrezca servicio en euskara.